Գլխավոր էջ

30.05.23 Հրավիրում ենք հանրային քննարկման

Հարգելի՛ բնակիչներ
Տեղեկացնում ենք, որ «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի 26-րդ հոդվածի և ՀՀ կառավարության 2014 թվականի նոյեմբերի 19-ի թիվ 1325-Ն որոշման համաձայն, ս.թ. հունիսի 8-ին, ժամը 15:30-ին ՀՀ Սյունիքի մարզի Մեղրիի համայնքապետարանի նիստերի դահլիճում (հասցե՝ ՀՀ, Սյունիքի մարզ, Զ. Անդրանիկի 2) տեղի կունենա «Ավազ» ՍՊԸ-ի կողմից ներկայացված ՀՀ Սյունիքի մարզի Մալևի մոնցոդիորիտների հանքավայրի օգտակար հանածոների արդյունահանման շրջակա միջավայրի վրա ազդեցության գնահատման հաշվետվության վերաբերյալ հանրային քննարկում (4-րդ փուլ):

29.05.23 ՄԱԿ-ի պարենի համաշխարհային ծրագրի կողմից իրականացվող «Կանաչ էներգիայի օգտագործում համայնքների զարգացման համար» ծրագրի շրջանակում Սյունիքի մարզի Մեղրիի համայնքապետարանին է տրամադրվել 40 կՎտ հզորությամբ արևային ֆոտովոլտային կայան, որի տեղադրման աշխատանքները ավարտվել են:

Կայանը տարեկան կարտադրի 60 000 կվտ հոսանք, որը կնվազեցնի Մեղրիի համայնքապետարանի էլեկտրաէներգիայի ծախսը տարեկան մոտ 3 մլն դրամով։
Ըստ ծրագրի, հաջորդ հինգ տարիներին համայնքը պարտավորվում է յուրաքանչյուր տարի 10 կվժ հզորությամբ կանայններ տեղադրել համայնքային նշանակության այլ շինությունների վրա:
Ծրագրի իրականացման և աջակցության համար շնորհակալություն ենք հայտնում Սյունիքի մարզպետ պարոն Ռոբերտ Ղուկասյանին և մարզպետարանի աշխատակազմին, ՄԱԿ-ի պարենի համաշխարհային ծրագրի պատասխանատուներին և Արփիսոլար ընկերությանը:

26.05.23 Մեղրի համայնքի ղեկավար Բագրատ Զաքարյանի շնորհավորական ուղերձը վերջին զանգի առթիվ.

Այսօր, ինչպես և Հայաստանի Հանրապետության բոլոր բնակավայրերում, դպրոցական վերջին զանգի ղողանջը կազդարարի սերնդափոխության շղթայի հերթական ցիկլի ավարտն ու հաջորդի մեկնարկը։ Հարազատ կրթօջախներին հրաժեշտ կտան Մեղրի համայնքի հանրակրթական դպրոցների 9-րդ և 12-րդ դասարանի աշակերտները։ Հարգելի՛ շրջանավարտներ, մանկավարժներ և ծնողներ, շնորհավորում եմ բոլորիս դպրոցական վերջին զանգի առթիվ: Վերջին զանգն իր մեջ հրաշալի խորհուրդն ունի. այն նոր կյանք թևակոխելու , ինքնադրսևորվելու , կյանքում իրական տեղը գտնելու խորհրդանիշ է։ Սիրելի՛ շրջանավարտներ, գիտեմ , որ փոքր-ինչ հուզված եք, քանի որ հրաժեշտ եք տալիս ձեզ այնքան հարազատ դարձած դպրոցին, որը ձեզ համար եղել է մի շտեմարան, որտեղից գիտելիքներ եք ստացել , կյանքի դարբնոց ... Մանրամասն

23.05.23 Նոր կայանի աշխատանքները բուռն ընթացքի մեջ են

ՀՀ Սյունիքի մարզի Մեղրի քաղաքի ջրի մաքրման նոր կայանի աշխատանքները բուռն ընթացքի մեջ են։Ինչպես ավելի վաղ տեղեկացրել ենք, Հայաստանի տարածքային զարգացման հիմնադրամի (ՀՏԶՀ) ֆինանսավորմամբ իրականացվում է Մեղրի քաղաքի ջրի մաքրման կայանի ապամոնտաժում և նոր կայանի կառուցում։Մեղրի համայնքի ղեկավար Բագրատ Զաքարյանը, Հայաստանի տարածքային զարգացման հիմնադրամի ծրագրերի վարչության պետ Էմիլ Իվանյանը և «Մեղրու ՃՇՇՁ» ՍՊ Ընկերության տնօրեն Ազատ Գասպարյանը այցելել են շինհրապարակ, որտեղ աշխատակիցները նրանց մանրամասն ներկայացրել են մինչ այսօր կատարված շինարարական աշխատանքները, քննարկվել է հետագա աշխատանքների հերթականությունը: Քննարկվել է համայնքում նախատեսվող այլ ծրագրերի վերաբերյալ մի շարք հարցեր ... Մանրամասն

22.05.23 Հրավիրում ենք հանրային քննարկման

Հարգելի՛ բնակիչներ

Տեղեկացնում ենք, որ «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի 26-րդ հոդվածի և ՀՀ կառավարության 2014 թվականի նոյեմբերի 19-ի թիվ 1325-Ն որոշման համաձայն, ս.թ. հունիսի 15-ին, ժամը 12:00-ին ՀՀ Սյունիքի մարզի Մեղրիի համայնքապետարանի նիստերի դահլիճում (հասցե՝ ՀՀ, Սյունիքի մարզ, Զ. Անդրանիկի 2) տեղի կունենա «Մեղրու ՃՇՇՁ» ՍՊ Ընկերության կողմից ներկայացված ՀՀ Սյունիքի մարզի Մեղրիի դիորիտների և քվարցային դիորիտների հանքավայրի արդյունահանման աշխատանքների ընթացքում շրջակա միջավայրի վրա ազդեցության գնահատման վերաբերյալ հանրային քննարկում(3-րդ քննարկում):

22.05.23 Մեղրի համայնքի Վանք-Կալեր բնակավայրի կամուրջը անվտանգ և հասանելի է

Մինչ Վանք-Կալեր նոր կամրջի կառուցումը կարճաժամկետ լուծում է տրվել Վանք-Կալեր բնակավայրերի անանցանելիությանը` տեղադրելով մետաղական թռիչքային կամուրջ: Մեղրիի համայնքապետարանը համագործակցության, ներդրման և իրագործված աշխատանքի համար շնորհակալություն է հայտնում «Մեղրու ՃՇՇՁ» ՍՊԸ-ին` հանձինս տնօրեն Ազատ Գասպարյանի։

19.05.23 Շինարարական աշխատանքները ընթանում են

ՀՀ Սյունիքի մարզի Մեղրի քաղաքի ջրի մաքրման նոր կայանի աշխատանքները շարունակվում են։

Հայաաստանի տարածքային հիմնադրամի (ՀՏԶՀ) ֆինանսավորմամբ իրականացվում է Մեղրի քաղաքի ջրի մաքրման կայանի ապամոնտաժում և նոր կայանի կառուցում։

Մեղրի համայնքի ղեկավար Բագրատ Զաքարյանը և Մեղրու ՃՇՇՁ ՍՊ Ընկերության տնօրեն Ազատ Գասպարյանը այցելել են շինհրապարակ, որտեղ աշխատակիցները նրանց մանրամասն ներկայացրել են շինարարական ընթացիկ և հետագա աշխատանքները՝ տեղում քննարկել մի շարք հարցեր։

18.05.23 Շվանիձոր բնակավայրի սուբվենցիոն ծրագրով վերանորոգված նախակրթարանի նոր ջրագծի և կոյուղու կառուցման աշխատանքները սկսված են:

Այսօր Մեղրի համայնքի ղեկավար Բագրատ Զաքարյանը այցելություն է կատարել Մեղրի համայնքի Շվանիձոր բնակավայր: Բնակավայրի վարչական ղեկավարի և շինարարությունը իրականացնող ընկերության ներկայացուցչի կողմից համայնքի ղեկավարին ներկայացվել է ընթացիկ և հետագա աշխատանքները:

Համայնքի ղեկավարը պարբերաբար այցելություններ է իրականացնում համայնքի բոլոր բնակավայրերում:

1 2 3 4 5 6 7 8 9 10 ...