Ղեկավարվելով «Տեղական ինքնակառավարման մասին»  օրենքի 35-րդ հոդվածի 1-ին մասի 24-րդ կետով, Հայաստանի Հանրապետության քաղաքացիական օրենսգրքի 188-րդ հոդվածով, Հայաստանի Հանրապետության հողային օրենսգրքի 66-րդ հոդվածի 1-ին մասի 4-րդ կետով, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի դրույթներով, հիմք ընդունելով Մեղրի համայնքի ավագանու  2019 թվականի 05 դեկտեմբերի  N 84 որոշումը և Օնիկ Գագիկի Անդրեասյանին գնման նախապատվության առաջարկությունը ընդունելու մասին համաձայնագիրը.

  որոշում եմ՝

1.Հայաստանի Հանրապետության Սյունիքի մարզի Մեղրի համայնքի սեփականություն հանդիսացող, Ագարակ քաղաքի Գարեգին Նժդեհի փողոցի 1-ին փակուղի  թիվ 12/4/1 հասցեում գտնվող, օրինական ճանաչված 20,6 քառ.մ մակերեսով շինությունը (առևտրի սրահը), (անշարժ գույքի նկատմամբ իրավունքների պետական գրանցման 08.11.2019թ. 08112019-09-0054 վկայական) և նրա համար սահմանված կարգով առանձնացված 0.00206 հա մակերեսով բնակավայրերի  հողերի կատեգորիա` «հասարակական  կառուցապատման հողեր» գործառնական նշանակության հողամասը (ծածկագիր` 09-002-0036-0058) գնման նախապատվության իրավունքով (ուղղակի վաճառք), օրենքով սահմանված կարգով ՝ 127 926  (900305081482 հաշվեհամարին ավտոտնակի  համար 90 000 դրամ x 0,069 x 20,6 քմ =127 926 /հարյուր քսանյոթ հազար ինը հարյուր քսանվեց/), 7045 (900305081367 հաշվեհամարին պահպանման և սպասարկման համար ամրակայած հողատարածքի համար 342դրամ x 20,6 քմ=7045  /յոթ հազար քառասունհինգ/) ՀՀ դրամով օտարել կառույցն իրականացրած ֆիզիկական անձ՝  Օնիկ Գագիկի Անդրեասյանին:

2.Վերը նշված չափերով ձևավորված վաճառքի գնին (վարձավճարին) հավելվում են տվյալ միավորի նկատմամբ մինչև օտարումը պետության կամ համայնքի անվամբ գույքային իրավունքների պետական գրանցման համար իրականացված վճարները` (վճարման անդորագրերի հիման վրա) 12 500 (տասներկու հազար հինգ հարյուր) ՀՀ դրամ պետական գրանցման , 500 (հինգ հարյուր) ՀՀ դրամ պետական տուրքի ,5000 (հինգ հազար) ՀՀ դրամ միասնական տեղեկանքի համար և 15000 (տասնհինգ հազար) ՀՀ դրամ հասցե տրամադրելու համար՝  900305081433 հաշվեհամարին:

3. Ընդունել ի գիտություն, որ անշարժ գույքի առքուվաճառքի մասին պայմանագիրը ենթակա է նոտարական վավերացման, իսկ դրանից ծագող իրավունքը՝ պետական գրանցման ՀՀ կադաստրի կոմիտեի համապատասխան տարածքային ստորաբաժանումում։

4.Քաղաքաշինության, հողօգտագործման, գյուղատնտեսության, գույքի կառավարման բաժնի պետին՝ ապահովել սույն որոշումից բխող անհրաժեշտ գործառույթների իրականացումը: