«Լիճքվազ» ՓԲ ընկերությունը (այսուհետ՝ Ձեռնարկող) նախատեսում է ՀՀ Սյունիքի մարզի Մեղրի համայնքի տարածքում, 2012թ. նոյեմբերի 22-ին տրամադրված թիվ ԼՎ-293 լեռնահատկացման ակտի սահմաններում 2022-2024թթ. ժամանակահատվածում կառուցել լեռնահարստացման ֆաբրիկա (այսուհետ՝ Նախատեսվող գործունեություն)։

Նախատեսվող գործունեության նպատակը Լիճքվազ-Թեյի հանքի թերբեռնվածության հաղթահարումը և տնտեսական ներուժի լիարժեք օգտագործումը, հանքաքարի վերամշակման համար օգտագործվող սարքավորանքի և տեխնոլոգիական սխեմաների՝ հանքաքարի բնութագրերին լիարժեք համապատասխանության ապահովումը և շրջակա միջավայրի վրա անցանկալի ազդեցությունների նվազեցումն է։ «Շրջակա միջավայրի վրա ազդեցության գնահատման և փորձաքննության մասին» ՀՀ օրենքով սահմանված կարգով նախնական փորձաքննության գործընթացի շրջանակներում 2022թ. հունիսի 7-ին՝ ժամը 16:00-ին, ՀՀ Սյունիքի մարզի Մեղրիի համայնքապետարանի շենքում (հասցե՝ Զորավար Անդրանիկի 2)՝ ավագանու նիստերի դահլիճում, տեղի կունենա Ծրագրի վերաբերյալ հանրային քննարկում:

Հանրային քննարկումն իրականացնում են Ձեռնարկողը և Մեղրի համայնքի ղեկավարը՝ համատեղ:

Ծրագրի վերաբերյալ տեղեկատվությանը կարող եք ծանոթանալ ստորև: Ծրագրի վերաբերյալ տեղեկատվություն կարող եք ստանալ նաև այցելելով ՀՀ Սյունիքի մարզի Մեղրիի համայնքապետարան՝ Զորավար Անդրանիկի 2 հասցեով, կամ զանգահարելով +374 (286) 4 3423 հեռախոսահամարով կամ գրելով meghri.syuniq@mta.gov.am էլ. հասցեով: Հանրությունը կարող է գրավոր դիտողություններ և առաջարկություններ ներկայացնել սույն ծանուցումից հետո 18 աշխատանքային օրվա ընթացքում: