Հիմք ընդունելով ՀՀ առողջապահության նախարարի 2014 թվականի դեկտեմբերի 27-ի Քիմիական թունավորումների և ճառագայթային ախտահարումների համաճարակաբանական հսկողություն N 3.1.1–028–2014 սանիտարահամաճարակաբանական կանոնները և նորմերը հաստատելու մասին» թիվ 74-Ն հրամանի պահանջները՝ 2015 թվականից ՀՀ-ում գործադրվել է քիմիական թունավորումների համաճարակաբանական հսկողության համակարգ, որի շրջանակներում բժշկական կազմակերպությունների կողմից իրականացվում են քիմիական թունավորումների, այդ թվում՝ շմոլ գազով թունավորուման դեպքերի հաղորդում: Հաղորդված տվյալների հիման վրա իրականացվում է համաճարակաբանական հետազոտություն՝ պատճառների բացահայտման ուղությամբ:
2018 թվականի մինչև հոկտեմբերի 1-ն ընկած ժամանակահատվածում արձանագրված շմոլ գազով թունավորման վերլուծությունների արդյունքների համաձայն և միաժամանակ համատեղ իրականացված կանխարգելիչ միջոցառումների՝ մասնավորապես բնակչության շրջանում լայնածավալ իրազեկման աշխատանքների արդյունքում 2018 թվականին 2017 թվականի համեմատ շմոլ գազով թունավորումների հիվանդացության ցուցանիշը նվազել է 2 անգամ (վերլուծությունը` կից ֆայլով) :