Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, Հայաստանի Հանրապետության քաղաքացիական օրենսգրքի 188-րդ հոդվածով, Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշմամբ և հիմք ընդունելով Արա Օնիկի Գալստյանի՝ համայնքի ղեկավարին ուղղած 2020 թվականի մարտի 23-ի N999-Ք դիմումը.
որոշում եմ՝
1. Մեղրի համայնքի Ագարակ քաղաքի Գարեգին Նժդեհի փողոցի թիվ 4/2 հասցեում գտնվող, Արա Օնիկի Գալստյանին սեփականության իրավունքով պատկանող 0,06229 հա բնակավայրերի հողերի կատեգորիա՝ <<հասարակական կառուցապատման հողեր>> գործառնական նշանակության հողամասում (կադաստրային ծածկագիր՝ 09-002-0036-0056, անշարժ գույքի նկատմամբ իրավունքների պետական գրանցման վկայական թիվ 04062019-09-0015) 28,1 քմ և 9.94 քմ արտաքին մակերեսներով ինքնակամ կառուցված շինությունները (տաղավարները), որի պահպանումը չի խախտում այլ անձանց իրավունքները, օրենքով պահպանվող շահերը և վտանգ չի սպառնում քաղաքացիների կյանքին և առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, չի առաջացնում հարկադիր սերվիտուտ պահանջելու իրավունք, ճանաչել օրինական:
2. Տեղեկացնել Արա Օնիկի Գալստյանին, որ սույն որոշման ընդունման օրվանից 30-օրյա ժամկետում Մեղրի համայնքի բյուջեի 900305083306 հաշվին պետք է վճարի Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N912-Ն որոշման 18-րդ կետի բ) ենթակետով սահմանված վճարը՝
ա) թիվ 1 տաղավարի համար 38 778 (երեսունութ հազար յոթ հարյուր յոթանասուն) ՀՀ դրամ (28.1 x 20 000 դրամ x 0.069 = 38 778 ՀՀ դրամ):
բ) թիվ 2 տաղավարի համար 13 718 (տասներեք հազար յոթ հարյուր տասնութ) ՀՀ դրամ (9.94 x 20 000 դրամ x 0.069 = 13 718 ՀՀ դրամ)
3. Սույն որոշման ընդունման օրվանից 30-օրյա ժամկետում օրինականացման համար սահմանված վճարումը չկատարելու դեպքում սույն որոշումը համարվում է ուժը կորցրած:
4. Սույն որոշումից ծագող իրավունքը ենթակա է պետական գրանցման ՀՀ Կադաստրի կոմիտեի համապատասխան ստորաբաժանումում:
5. Սույն որոշումը կարող է վարչական կարգով բողոքարկվել Մեղրի համայնքի ղեկավարին՝ ուժի մեջ մտնելու օրվանից երկու ամսվա ընթացքում կամ դատական կարգով՝ Հայաստանի Հանրապետության վարչական դատարան՝ երկամսյա ժամկետում:
6. Սույն որոշման կատարման կազմակերպումն ու պատասխանատվությունը դնել Մեղրիի համայնքապետարանի աշխատակազմի քաղաքաշինության, հողօգտագործման, գյուղատնտեսության, գույքի կառավարման բաժնի պետի վրա:
7. Որոշման կատարման հսկողությունը դնել Մեղրիի համայնքապետարանի աշխատակազմի քարտուղարի վրա: