Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ հետով, Հայաստանի Հանրապետության քաղաքացիական օրենսգրքի 594-596-րդ հոդվածներով, հիմք ընդունելով համայնքի ղեկավարի առաջարկությունը՝ Մեղրի համայնքի ավագանին
որոշում է՝ 1.Հայաստանի Հանրապետության Սյունիքի մարզի Մեղրի համայնքի սեփականություն հանդիսացող՝ Սյունիքի մարզ, Մեղրի համայնք, Զորավար Անդրանիկի փողոց 1-ին փակուղի 14 շենք, բնակարան թիվ 3 հասցեում գտնվող գույքը՝ 25,7 (քսանհինգ ամբողջ յոթ տասնորդական) քառակուսի մետր մակերեսով բնակարանը (անշարժ գույքի նկատմամբ իրավունքների պետական գրանցման վկայական N30082021-09-0031) անհատույց օտարել (նվիրել ) Համազասպ Սվերդիկի Մարտիրոսյանին և Իրինա Միքայելի Մարտիրոսյանին՝ որպես նրանց ընդհանուր համատեղ սեփականություն։
2.Ավագանու որոշումն ուժի մեջ մտնելուց հետո մեկամսյա ժամկետում քաղաքացիներ Համազասպ Սվերդիկի Մարտիրոսյանի և Իրինա Միքայելի Մարտիրոսյանի հետ կնքել գույքի նվիրատվության պայմանագիր՝ սահմանելով, որ գույքային իրավունքների պետական գրանցումն իրականացվելու է նվիրառուի միջոցների հաշվին։
3.Համայնքի ղեկավարի պաշտոնակատարին՝ ձեռնարկել սույն որոշումից բխող անհրաժեշտ գործառույթների իրականացումը։
4.Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։ |