Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 188-րդ հոդվածով, Հայաստանի Հանրապետության հողային օրենսգրքի 66-րդ հոդվածի 1-ին մասի 4-րդ կետով, Հայաստանի Հանրապետության կառավարության 2006 թվականի մայիսի 18-ի N912-Ն որոշման դրույթներով, հիմք ընդունելով Արմեն Աշոտի Ասլանյանի կողմից ներկայացված դիմումը, գնման նախապատվության իրավունքով (ուղղակի վաճառք) օտարելու մասին համաձայնագիրը, համայնքի ղեկավարի առաջարկությունը՝ Մեղրի համայնքի ավագանին

                                                                                            որոշում է՝

1.Հայաստանի Հանրապետության Սյունիքի մարզի Մեղրի համայնքի սեփականություն հանդիսացող, Մեղրի քաղաքի Ադելյան փողոցի թիվ 15Ա/25 հասցեում գտնվող 47,1 քմ մակերեսով ավտոտնակը, 44,5 քմ ծածկը և նրանց համար սահմանված կարգով առանձնացված բնակավայրերի նպատակային նշանակության բնակելի կառուցապատման գործառնական նշանակության 0,00471 հա մակերեսով հողամասը (կադաստրային ծածկագիր՝09-005-0040-0040, անշարժ գույքի նկատմամբ իրավունքների պետական գրանցման N 24122020-09-0018 վկայական) գնման նախապատվության իրավունքով (ուղղակի վաճառք), օրենքով սահմանված կարգով օտարել Արմեն Աշոտի Ասլանյանին՝ Հայաստանի Հանրապետության կառավարության 18.05.2006 թվականի N912-Ն որոշմամբ հաստատված կարգի 35-րդ կետի դ) և ե) ենթակետերով սահմանված գներով.

1) Ավտոտնակի համար 10 000 դրամ x 0,086 x 47,1 քմ = 40 506 /քառասուն հազար հինգ հարյուր վեց / ՀՀ դրամ.

2) ծածկի համար 10 000 դրամ x 0,086 x 44,5քմ = 38 270 /երեսունութ հազար երկու հարյուր յոթանասուն / ՀՀ դրամ.

3)Պահպանման և սպասարկման համար ամրակայած հողատարածքի համար 528 դրամ x 47,1 քմ = 24 869 /քսանչորս հազար ութ հարյուր վաթսունինը / ՀՀ դրամ: 4) Համաձայն Հայաստանի Հանրապետության կառավարության 18.05.2006 թվականի N912-Ն որոշմամբ հաստատված կարգի 35.1 կետի վերը նշված չափերով ձևավորված վաճառքի գնին (վարձավճարին) հավելվում են տվյալ միավորի նկատմամբ մինչև օտարումը պետության կամ համայնքի անվամբ գույքային իրավունքների պետական գրանցման համար իրականացված վճարները` 23 000 (քսաներեք հազար) ՀՀ դրամ (վճարման անդորրագրերի հիման վրա):

2.Համայնքի ղեկավարին` ապահովել սույն որոշումից բխող անհրաժեշտ գործառույթների իրականացումը: