|
16.08.25
ՀԱՅՏԱՐԱՐՈՒԹՅՈՒՆ
|
Մեղրի համայնքի հարգելի՛ բնակիչներ, Մարզում ստեղծված բարձր հրդեհավտանգ իրավիճակից ելնելով՝ հորդորում ենք բոլորին՝ սարվորներին, հովիվներին, մեղվապահներին, խոտհունձ իրականացնողներին և այլն, խստորեն պահպանել հրդեհային անվտանգության կանոնները․ չայրել խոտ, խոզան, տերև ու այլ դյուրավառ նյութեր, չվառել խարույկ, չնետել այրվող լուցկի, չմարված ծխախոտի մնացորդ, արևով լուսավորվող բացատներում չթողնել շշեր, ապակու կտորներ, քանի որ դրանք կարող են ֆոկուսացնել ճառագայթները՝ վերածվելով հրկիզող ոսպնյակների, կրակի ցանկացած աղբյուր անմիջապես հանգցնել։ Յուրաքանչյուրի զգոնությունն ու պատասխանատվությունը կարևոր է հրդեհների կանխարգելման համար։ |
|
|
16.08.25
ԻՐԱԶԵԿՈՒՄ
|
|
Հարգելի՛ համաքաղաքացիներ, Տեղեկացնում ենք, որ օգոստոսի 16-ին՝ ժամը 09:00-ի սահմաններում, Մեղրի քաղաքի Փոքր Թաղ թաղամասում ճանապարհաշինարարական աշխատանքներով պայմանավորված տեղի կունենան պայթեցման աշխատանքներ։ Ձայներ լսելիս խնդրում ենք խուճապի չմատնվել։
|
|
|
15.08.25
Նշվեց Լիճք բնակավայրի օրը
|
|
Օգոստոսի 15-ին Լիճք բնակավայրում տոնական տրամադրություն էր։ Բնակավայրի օրը նշվեց մեծ շուքով՝ համախմբելով տեղացիներին ու տարբեր վայրերից ժամանած հյուրերին։ Օրվա մեկնարկը տրվեց Արցախյան առաջին պատերազմում զոհված լիճքեցի Սուրեն Հրաչիկի Մկրտչյանի գերեզման այցելությամբ։ Համայնքի ղեկավարը և ներկաները ծաղիկներ խոնարհեցին նրա շիրիմին՝ հարգանքի տուրք մատուցելով հերոսին։ Ծաղկադրման արարողություն տեղի ունեցավ նաև 1941-45 թթ. Հայրենական մեծ պատերազմում անմահացած լիճքեցիների հուշարձանին։ Մեղրի համայնքի ղեկավար Խաչատուր Անդրեասյանին դիմավորեցին ավանդական աղուհացով։ Իր ելույթում նա շնորհավորեց ներկաներին, ընդգծեց համախմբվածության և ավանդույթների պահպանման կարևորությունը, ապա շնորհակալագրեր ...
Մանրամասն |
|
|
15.08.25
ՄԵՂՐԻ ՀԱՄԱՅՆՔԻ ՂԵԿԱՎԱՐ ԽԱՉԱՏՈՒՐ ԱՆԴՐԵԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԼԻՃՔ ԲՆԱԿԱՎԱՅՐԻ ՕՐՎԱ ԱՌԹԻՎ
|
|
Սիրելի՛ լիճքեցիներ, օգոստոսի 15-ը մեր համայնքի համար այսուհետև կունենա յուրահատուկ խորհուրդ․ ըստ Մեղրի համայնքի ավագանու թիվ 102-Լ որոշման՝ առաջին անգամ նշվում է Մեղրի համայնքի Լիճք բնակավայրի օրը։ Հիշարժան պահ է՝ լեռներին թիկնած բարձրադիր բնակավայրի մերօրյա կյանքում նոր ու գեղեցիկ ավանդույթի մեկնարկ ։Առատորեն օրհնված Լիճքը տեղակայված է Սյունյաց բարձր լեռնաշխարհում՝ ծովի մակերևույթից շուրջ 1780 մ բարձրության վրա։ Դարավոր հարևանն է հնամենի Տաշտունի, աչքի է ընկնում իր չնաշխարհիկ բնաշխարհով, սառը և ջրառատ աղբյուրներով, լեռնային արագահոս գետակներով ու առվակներով։Հարուստ է պատմամշակութային հուշարձաններով, որոնք նրա բազմամյա պատմության լուռ վկաներից են։ Դրանցից են 17-րդ դարի քարաշեն կամուրջը, գյուղի ...
Մանրամասն |
|
|
14.08.25
Արաքսաշենի լողավազանն արդեն ծառայում է բնակիչներին
|
Վերջերս Մեղրի համայնքի ղեկավար Խաչատուր Անդրեասյանի նախաձեռնությամբ Արաքսաշեն թաղամասի լողավազանի բարեկարգման աշխատանքների համար հատկացվել էին ներկեր։ Աշխատանքներն արդեն ավարտվել են, լողավազանը պատրաստ է ծառայելու բնակիչներին։ Համայնքի ղեկավարն այցելել է տեղում ծանոթանալու արդյունքին և ընդգծել է, որ առաջիկայում կտրամադրի քլոր, ինչը կապահովվի ջրի մաքրությունն ու հիգիենիկ պայմանները։ |
|
|
14.08.25
ՀՐԱՎԻՐՈՒՄ ԵՆՔ ՄԻԱՍԻՆ ՆՇԵԼՈՒ ՎԱՀՐԱՎԱՐ ԲՆԱԿԱՎԱՅՐԻ ՕՐԸ
|
Տեղեկացնում ենք, որ օգոստոսի 17-ին Վահրավար բնակավայրում կկայանա Վահրավարի օրվան նվիրված միջոցառումները հետևյալ ժամանակացույցով՝ Ժամը 13:00 - Ծաղկադրում Սուրիկ Հովհաննիսյանի գերեզմանաքարին, Հայրենական մեծ պատերազմում զոհվածների հուշարձանին։ Ժամը 14:00 - Միջոցառում, համերգային մաս գյուղապետարանի բակում։ Ժամը 15:00 - Հյուրասիրություն։ Սիրով սպասում ենք բոլորիդ։ |
|
|
14.08.25
«Մինչև 2026 թվականը կառուցվող, հիմնանորոգվող կամ վերակառուցվող 300 դպրոցներ» ծրագրի շրջանակում Շվանիձորի դպրոցը վերակառուցվում է
|
|
Օգոստոսի 14-ին Մեղրի համայնքի ղեկավար Խաչատուր Անդրեասյանն այցելել է «Շվանիձորի միջնակարգ դպրոց» ՊՈԱԿ՝ հետևելու շինարարական աշխատանքների ընթացքին։Համայնքի ղեկավարը շրջել է տարածքում, տեղում ուսումնասիրել շինարարական նախագիծը, մշտադիտարկում իրականացրել, շինարարներին և պատասխանատուներին ներկայացրել մի շարք առաջարկներ՝ շինարարության որակի բարձրացման և արդյունավետության ապահովման ուղղությամբ։Նշենք, որ դպրոցի հիմնանորոգումն իրականացվում է ՀՀ կառավարության կողմից նախաձեռնած «Մինչև 2026 թվականը կառուցվող, հիմնանորոգվող կամ վերակառուցվող 300 դպրոցներ» ծրագրի շրջանակում։Ծրագրի պատվիրատուն Հայաստանի տարածքային զարգացման հիմնադրամն է։Շինաշխատանքները նախատեսվում է ավարտին հասցնել ...
Մանրամասն |
|
|
14.08.25
Ընթացքի մեջ են «Մեղրի-1» պոմպակայանի խողովակաշարի միացման աշխատանքները
|
|
«Մեղրի-1» պոմպակայանի տարածքում շարունակվում են ջրամատակարարման համակարգի բարելավման աշխատանքները։ Օգոստոսի 14-ին Մեղրի համայնքի ղեկավար Խաչատուր Անդրեասյանն այցելել է տարածք, որտեղ ներկայումս իրականացվում է պոմպից դեպի ինքնահոս համակարգ ձգվող մոտ 100 գծամետր երկարությամբ խողովակաշարի միացման (ձոդման) գործընթացը։ Աշխատանքների ավարտից հետո համակարգը կկարողանա լիարժեք գործարկվել՝ ապահովելով կայուն ջրամատակարարում։ Նշենք, որ նախատեսվում է պոմպի տեղադրումն ավարտին հասցնել մինչև օգոստոսի 25-ը, ապահովելով Արաքսաշեն թաղամասի բնակիչների անխափան ջրամատակարարումը։
|
|
| 1 2 3 4 5 6 7 8 9 10 ... |